BANYU MAMBEG
Nuju sawijining
sore, Cahyana lan Ratih sowan Pak Hadi. Cahyana lan Ratih minangka wakil
pengurus pemudha ing desane, dene Pak Hadi minangka Ketua RT. Kang dadi
underane rembug anane banyu mambeg kang dadi gangguan karesikane lan kesehatan
lingkungan.
Cahyana : “Kula
nuwun.”
Pak Hadi : “Mangga... E E..Nak Cahyana karo nak Ratih ta iki mau, kene-kene
mlebu kene.
Ratih : “Inggih, Pak Hadi.”
Pak Hadi : “Kadingaren
sore-sore padha dolan mrene, sajake kok ana bab sing penting.”
Ratih : “Mas Cahya, kowe sing matur Pak Hadi lho, amarga Mas Cahya sing
luwih ngerti prekara sing arep diaturake iki!”
Cahyana : “inggih Pak Hadi. Bapak minangka ketua RT ing ngriki, kula lan
Ratih menika minangka wakilipun kanca-kanca pemudha Mekar Sari ing dhukuh
ngriki badhe matur prakawis saluran toya sawingkingipun griyanipun Mbok
Mangun.”
Pak Hadi : “Kepriye
saluran banyu buri omahe Mbok Mangun, ana kadadean apa?”
Ratih : “Anu Pak..., toyanipun mambeg amargi kathah sangkrah utawi
reregedipun, lajeng nuwuhaken ganda kecing sanget ingkang saged ngganggu
kesehatan, Pak.”
Cahyana : “Sanesipun njalari wontenipun ganda kecing, saluran mambeg punika
ugi dados sarang nyamuk, Pak. Para pemudha sampun sarembag ngusulaken supados
benjing Minggu dipunwontenaken gotong royong kanggo ngresiki saluran iku.”
Cahyana : “Para
pemudha siyap mbiyantu, Pak.”
Pak Hadi : “Apik tenan. Malah kebeneran saiki aku ana wektu longgar,
sadurunge suk Minggu ditandangi becike saiki ayo dicek mrana luwih dhisik,
kanggo gawe rancangan anggone arep gotong royong suk Minggu.”
Cahyana : “inggih Pak
Hadi, mangga kula dherekaken!”
Ratih : “Mangga, Pak!”
Tidak ada komentar:
Posting Komentar